2013-12-10

Fracking-a Elgoibarren

2013/10/04ko papelezko Barren astekarian bi Elgoibartarren eskutik jakin genuen 2011 urtetik Elgoibarrerako Fracking ustiapen eskaera egina zagoela. Zozoak Beleari atalean Ander eta Inmak gai honi erreferentzia egin ziotenean





Ondoren, berriz ere papelezko Barrenek Mikel Oterori elkarrizketa aurreratu zuen (aurreko sarreran aipatzen genuen), eta Azaroaren 7an Kultur etxean Fracking Ez Arabako Mikel Otero bera Elgoibarren entzuteko aukera izan genuen. 
Mikel dagoeneko birritan egon da Gasteizko Ingurumen komisioan Fracking-ari buruz hitz egiten herritar taldeen ordezkari gisa, eta bertaratu ginenok berarekin luze eta zabal hitz egiteko aukera izan genuen.
Ordubeterako prestatuta zegoen hitzaldia, baina galderak erantzuten hiru ordutik gorakoa bilakatu zen, konturatu ere egin gabe. Oso interesgarria bezain kezkagarria izan zan.
Barreneko elkarrizketan ere aipatu zuanez, Gipuzkoaren %40a, tartean Elgoibar, Frackinga aztertzeko eskatutako baimenen barruan dago. Sustraia proiektua da Elgoibar tartean hartuko luken arbel gasa aztertzeko eremuari jarri dioten izena.

Fracking-a edo Haustura Hidraulikoa, Estatu Batuetan garatu den teknika bat da gasa metodo ez konbentzionalekin ateratzeko, izan ere, ez da gasa “putzu” edo erreserba batetatik ekartzea, baizik eta arbelean nahastua dagoen gasa lurpean presio altuan eta gai kimikoekin askatu eta ekartzean datza. Zundaketa bakoitzak oso emaitza txikia ematen du, beraz, zulo asko egin behar dira, inguru guztia desitxuratuz, eta lurrazpi zabal bat sustantzia kimikoz josiaz.
Baina estrakzioan ez ezik, esplorazioan ere teknika bera erabiltzen da, eta momentuz esploraziorako baimena eskatuta dago Elgoibar hartzen duen eremuan. Noski, esplorazio bat egitera datorrenak, ondoren esplotazioa egiteko helburua dauka, bestela ez dago ulertzerik esplorazioa.
Ikusten dugu gure inguruko leku asko Frackingaren kontrako eremu edo frackingik gabeko eremu izendatzen ari direla. Adibidez, Iparraldea salbu dago, Frantzian debekatu dutelako teknika hau. Nafarroak ere Foru Aldundian gehiengoz erabaki du Frackingetik babestea. EAEko parlamentuan entzungor egiten duten bitartean, Arabako herri asko ere horrelaxe izendatzen ari dira euren burua hemen ageri denez.




Bizkaiako herri batzuk ere Haustura Hidraulikoaren kontra batzen ari dira, kasu batzutan susto bat hartu ostean.
EHren periferian, Frantziako herrialde guztietan dago debekatua, eta baita Errioxan edo kantabrian ere. Espainian ere probintzia asko batzen ari dira honen kontra
Mapa honetan kontra dauden herriak ageri dira. Eskuineko “+” seinuan sakatuz gero, “Permisos” aukeratuta eskatuta dauden proiektuak ere ikusi daitezke

Hau dela eta, Elgoibar mehatxu honetatik babestu nahi dugu eta Elgoibar ere Fracking-aren kontrako eremua izendatzea eskatzeko saiakera egingo dugu.

Bitartean, Mikel Otero entzuteko aukera eduki ez zenutenok, Eibarko EHUko kanpusean (Unibersidade laboralean) edukiko duzue horretarako aukera berri bat Asteartea hilak 26 16:45etan.
Energia jardunaldi interesgarri batzuk antolatu dituzte, gai askotan erreferenteak diren hizlariekin 



Frackingaren inguruko bi dokumentalekin uzten zaituztegu bitartean.
Fracking Hell 18 minututako dokumentala ingelesez (gazteleraz azpi titulatuta)
Fracking Hell 1go zatia 8 min.  
Fracking Hell 2.zatia 9min
  

Edo luzeagoa den GASLAND dokumental oso ona 2 minututako trailerra ingelesez  
eta dokumentala gazteleraz azpititulaturik
 

2013-11-05

Energiaren arazoa etorkizunean

Elgoibarren.net eko txokoan berri eman dugun bezela, 2013ko Irailaren 28an Energia Burujabetza Jardunaldiak antolatu genituan Elgoibarko musika eskolako auditorioan.
Lehenik eta behin Musika eskolari eskerrak eman nahi diogu auditorioaren erabilera uztearren. Leku oso egokia egin zitzaigun prestatuta geneukan maratoirako.
Goiko irudian ikusi dezakezute prestatuta geneukan egitaraua. Hurrengo sarreretan puntuz puntu joango gara bakoitzaren laburpentxo bat egiten.

Gai ordenean lehenengo bi puntuak trukatu egin zirenez, hitzaldien ordenarekin jarraitzeko, etorkizunean izango dugun energiaren arazoarekin hasiko gara:

1 Energiaren arazoa etorkizunean
Administrazio publikuan nahiz enpresetan, ohikua da plan estrategikuak egitia, hau da, 4 urtetako planak. Baina prospektiboki begiratzen hasiz gero, begirada 20 urtera jarrita, panorama txarra datorkigu gaur mobitzen hasten ez bagera.
Peak oil, edo petrolio merkearen bukatzia ez da etorkizunian eukiko dogun arazo bakarra, gaur egun Peak Everything kontzeptua entzuten ari gera, hau da, lehengai guztien agortzia, mineralak eta abar luze bat.
Euskal Herriko energia eredua %85ian menpekua da (petroleua, gasa, ...), soilik berriztagarrixek ematen dutena da autosufizientzia mailaren %15a. Garestitzen doan heinean, gure produktuen balio erantsia gainkostu hori jasateko gai izan beharko da.
Baina zein da gure posizioa merkatu internazionalaren aurrean?
Momentu honetan leihatzen ari gara, baina etorkizunean Alemaniak adibidez aurre hartuko digu energia berriztagarrietan apostatzen urteak daramatzalako (horrek prezioetan egonkortasuna emango diolako), 2020rako itzalaldi nuklearra ere planteatzen ari dira han, pentsa!
Are gehiago, badakizue Saudi Arabia, petroleo exportatzaile handiena izateaz gain, energia berriztagarrietan herrialde aurreratuenetakoa dela? Zertan ari gara orduan gu?
Sorkuntza berriztagarria ez ezik, deszentralizatua izatea beharrezkoa da, hau da, lekuan lekukoa. Efizientzia energetikorako kontzientzia horrek ekarriko du, sortu behar izan ez dena delako kw merke eta garbiena.
Etorkizuna oso interesgarria jarriko da etxeko lanak eginak dauzkanarentzat. Tamalez, espainiar legeak kontrako norabidean dijoaz, eta ez dirudi Euskal Herrian alternatibarik egiten ari garenik. Horregatik, etorkizuna gure esku hartzea ezinbestekoa da

hemen hitzaldian erabilitako aurkezpena

Fracking-aren informazioa

Gogoratu ostegun honetan Haustura hidraulikoa edo Fracking-aren inguruko hitzaldia egongo dela Kultur etxean arratsaldeko 7etan



Hizlaria Mikel Otero izango da.

Motorrak berotze aldera, Elgoibarren.net-eko elkarrizketarekin uzten zaituztegu


Eta Garan aurreko astean idatzitako beste irakurgai hau ere, interesa duenarentzat

2013-10-11

Fracking-a


Energiaren gaiarekin jarraituaz, Frackingaren inguruan bi ekitaldi antolatu ditugu.
  • Urriak 31 ostegunean gabeko 21:15etan Herriko Antzokian "Promise Land" edo "Promestutako lurraldea" Ongarri zine klubari esker



  • Azaroak 7 osteguna Arratsaldeko 19:00etan Kultur Etxean: Fracking: Apustu arriskutsua. Fracking ez Arabaren hitzaldia





 Euskal Herrian hainbeste eragingo duen kontu honen inguruan informatuta egoteko ekitaldiak. Ze abantaila eta ze arazo ekarriko dizkigu Haustura Hidraulikoak?


Motorrak berotzen joateko, Burgoseko Fracking No taldeak egindako bideo hau uzten dizuegu. Aurrerago jarriko ditugu beste batzuk


La sombra del fracking from DocMiradas on Vimeo.

2013-09-24

Oligopoly 2

Salvados programan Oligopoly egin zutenean, bidea zabaldu arren, motx geratu zenez, bigarren pausua emateko denbora zela pentsatuta, dokumental hau egin zuten elkarte ezberdinen artean
Oligopoly 2




Jarraipena nahi duzula?
Zapatu goizean Musika eskolako auditorioan Energia Burujabetza jardunaldiak




Energiaren arazoa: Oligopoly

Salvados-eko bideo hau uzten dizuegu Energiaren arazoaren izeberg punta ikusteko

Ikusi ondoren, bi aukera dauzkazu, berdin jarraitu edo zapatu honetako Energia Burujabetza Jardunaldietara etorri.



SALVADOS: oligopoly "El Juego de la Energía" from Kalika Films on Vimeo.

2013-09-13

Energia burujabetza jardunaldiak Elgoibarren

Irailak 28, Zapatua, Elgoibarko Musika eskolako auditorioan Olinpiadak (kafitesnea norberak ekarri dezala):
GOIZEKO 9:00 ongi etorrixa eta jarraian
-Energia Auzolan taldearen aurkezpena
-Energiaren arazoa etorkizunean
-Energia berriztagarriak eta efizientzia energetikua. kontsumoa jeisteko instalatzaile baten aholkuak
-Kooperatiba energetikoak (SOM ENERGIA GARA eta GOIENER)
-Energia burujabetzarako traba: Legedia energetiko berria
-Berriztagarrien mugak ingurugiroarekiko
-Martxan dauden proiektuak
-Elgoibarko egitasmo lokala
-Egitasmo lokaleri laguntza: BASQUE OSE
-Galderak edo aportazio berriak

13:00 Atsedena eta ondoren
14:30ak arte lanketa taldeka, geografikoki edo energia interesen arabera banatuak.

Jardunaldien helburuak hauek dira:
1-Energia burujabetzaren beharra azaldu: etorkizuneko aukera prospektiboki (20 urte barru egongo den panorama kontutan hartuta)
2-Energia sorkuntza berriztagarrixez eta kontsumoa murrizteaz hitzegin, burujabetzaruntz aukera ezberdinak ezagutu.
3-Kontaktuak egin. hitzaldi motx asko, sakondu gabe, bakoitzak oso gainetik esplikatzeko bere gaixa. Sakondu nahi duenak nora jo jakiteko
4-Lekuan lekuko taldiak osatu edo elkar ezagutu dinamikak martxan jartzeko

 eta noski, honetan interesa daukagunok disfrutatu!

Informazio gehiago: okilbeltzak@gmail.com
 

2013-02-07

Elgoibarko zaborren birziklaia emaitzak direla eta

Elgoibarren.net-eko gure txokotik hartutako notizia Elgoibarren urtebetean zaborren %20a gaika batzetik, %30era pasatu gara! Elgoibarren.net-en ikusi genuen notizia, ondoren beste hedabideetan zabaldu zen. Beste hedabidetan notizian honen ondoan ikusi genuen aste berean, Orendainen %93,73 birziklatzen ari direla (eta birziklatzen ez den zati hori gutxitzeko ekintzak prest dauzkatela) Erraustegiaren mamua gainean zenean, Usurbilen, hilabete exkaxean %28tik %76ra pasatu zen birziklaia (2009ko martxo eta apirilaren artean) Ez zen miraria izan, Hernanin, Oiartzunen, Antzuolan, etab. ere atez atekoa martxan jarri zenean, hilabeteren buruan antzeko emaitzak lortu ziren. Ez da Bilduren miraria, munduko hainbat lekutan ematen ari baita fenomeno bera, eta Bilduz gain sindikatuak, talde ekologistak eta gainontzeko herri talde ezberdinak daude honen atzean, are gehiago, egun ekonomia adituak ere bai, ekonomikoki aukera onena delako. Arren eskatzen diogu Elgoibarko udalari emaitza kaxkar horiek ez zabaltzeko lau haizetara. Gu ez gara harrotzen Elgoibar plastikoz Berde honetan bizitzeaz. Utzi Batzoki eta PaPNo-ko bileretarako datuok, eta ez gaitzazue Gipuzkoaren aurrean ebidentzian laga. Elgoibarren ere birziklaia kopurua igotzen laguntzeko prest gaude, seriotasunarekin hartzen bada. Badago nundik hasi Zero Zaborrera bidean.
De Argazkiak

2013-02-04

Energia: Xahutzea eta aprobetxamendua

Jakina da energi krisia gainean daukagula, aspaldi zoro batzuri entzuten genien Peak Oil-az (Petrolioaren bukaeraz) berba egiten.
Orain, gero eta sarriago entzuten dugu, eta baita gure poltsikotan zuzenean nabaritu ere. Ez bakarrik hori, lehengaiekin ere bukatzen ari garela edo Peak everything da azken aldian gero eta gehiago entzuten ari garen hitza. Gazteleraz dioten bezela; se acabó la fiesta
  Eta aurreko sarreran genionez, horrek krisi finantzierotik ateratzea oztopatuko du, baina ez hori bakarrik, orain bidea prestatzen hasten ez bagara, etorkizunean gorriak ikusiko ditugu.
  Peak oilaz gain, energia fosilen bukaera gainera dator. Betikoek (garai batean nuklearren alde zeudenak adibidez) Fracking-a moduko barrabaskeriak proiektatzen diharduten bitartean, zentzuak esaten du energia kontsumoa gutxitu behar dugula.
  Agintariek, behin eta berriz ekoizle handiekiko eta dependentzia areagotzera jotzen dute, etorkizuna gero eta gehiago hipotekatuz.
  Okil Beltzok kezkatuta gaude Elgoibarko eta EAEko energia kontsumo eta dependentzia energetikoaz, eta okerrena, energia berdea edozeri deitzen diotela ikustea da. Manipulazio interesatu horrek sutzen gaitu!
  Energia garbiena, kontsumitzen ez den Kw-a da, beste era batean esanda, sortu behar izan ez dena, eta hori ez da kobazuloetan bizitzea. Ea bi adibidetan esplikatzea lortzen dugun:
  • Batean kontsumo arduratsua dago, alperrik gastatzen dena ez xahutzea. Logikoa dirudi, baina ez dugu horrela jokatzen. Adibidez, berogailua jarrita leihoa zabaltzea, erabiltzen ez dugun argia piztuta edukitzea, Stand By edo kontsumo fantasma deritzana (Telebista, bideo eta abarrak StandBy-an daudenean itzalduta egon arren) guztiz ez itzaltzea, errepide eta autopistetako argiteria gutxitzea, adibide batzuk jartzearren.
  • Bestean, gutxiago gastatzera eramaten gaituztenak egongo lirateke. Efizientzia energetiko altueneko gailuak erabiltzea, adibidez sukaldatzeko gasa jartzea bitrozeramika, indukzioa eta gainerako elektrikoen ordez, A efizientziadun hozkailu, garbigailu etabarrak edukitzea (eta horiek erosten laguntzea edo behartzea), garraio kolektiboa, ibilgailu txikiak eta motor txikikoak erabiltzea bultzatzea eta ez direnak zigortzea, edo errepideetako gehienezko abiadura jeistea adibidez...
  Azken kontzeptu honekin lotuta, efizientzia energetikoari begira, baina inbertsio handiago bat egin ostean, "Passive House" kontzeptuarekin topo egiten dugu, edo eraikuntza bioklimatikoekin, esate baterako.
  Passive House edo etxe pasibo kontzeptua, kanpo energiarik behar ez duen etxea da. Kasu horietan, inbertsioa egin behar bada ere, oso urte gutxian buelta ematen zaio, eta errentagarritasuna lortu, eta energia hartzen ari den preziotan, gero eta bizkorrago berreskuratzen da jarritako dirua.
  Behin kontsumoa jaitsita, autosufizientzia da hurrengo urratsa. Horretarako, energia beharra kuantifikatu behar da. REEn ikus daiteke Elektrizitate eskaria uneoro:
 

 
Eta energia behar hori asetzeko, hemen sartuko genituzke energia berriztagarriak eta fosilak gutxitu.
Energia berriztagarriak, energia fosilak edo nuklearrak ez direnak dira. Ohikoenak eguzki, ur edo haizearen aprobetxamenduak dira, baina badira beste hainbat iturri ere, edo beste batzuren konbinazioa izango litzateken kogenerazioa edo berraprobetxamendua.
Adibidez, ur beroko eguzki plakak jarriko bagenitu, etxeko ura 5ºtan egotetik plaketatik 15ºtan aterako balitz, ondoren gutxiago berotu beharko litzake gasarekin edo argindarrarekin. Energia kontsumo handiena haserako gradu horiek igotzean xahutzen da.
Energia berriztagarriek honako abantailak eduki ditzakete zentzuz egiten badira:
  • Ekoizleak txikiak dira, ez interes ekonomiko soildun enpresa handiak
  • Honek kontsumo arduratsu bat egitea dakar, energia sortzea zein nekeza den konturatzen delako ekoizle txikia, eta sortzen duenera mugatzea edukiko du helburu
  • Lekuan lekuko energia sortu daiteke, autosufizientziari bidea eginez. Ekoizle handien inpaktu ekologikoa gutxitzen da, eta ez dira autopista elektrikoak behar garraiatzeko
  • Lekuan lekuko energiak direnez, garraioan dauden galerak ekiditen dira
  • Lehengaia debalde da, inbertsioa da amortizatu behar dena.
  • Ez daude kanpo harremanen menpe, petrolioa, gasa eta abar bezela, normalean herrialde ez demokratikoek kudeatzen dituzte eta espoliatzen ditugu.
  Baina berriztagarriek arazo batzuk ere badauzkate, ura, haizea edo eguzkia, dagoenean dago, eta ez dagoenean ez, beraz, energia moeta ezberdinak konbinatzea beharrezkoa da (denak berriztagarriak izan daitezke!).
  Kontzientzia beharrezkoa da, etekin ekonomikoari begiratzen zaio ekoizleak handiak direnean. Aldiz, etekin energetikoari jasangarritasunaren aldetik begiratuko balitzaio ez lirateke berriztagarrien izenean egiten diren sarraskiak egingo.
  Enpresa handien (agintari faktikoen) negozioa asko murriztuko lukenez, gobernuak ez daude energia berriztagarriak bultzatzearen alde. Ikustea besterik ez dago nori laguntzen dioten, eta oztopoak nori jartzen dizkioten.
  Ez dugu nahi dokumentu teoriko bat egitea (interneten milaka aurkitu daitezke), baizik eta ideiekin dokumentu praktiko bat osatu, Elgoibar ekonomikoki aberatsagoa (eta aberastasuna banatuagoa), menpekotasun gutxiagorekin eta ekologikoki jasangarriagoa egiten lagunduko duena.
  Esperantza eta ilusio handiarekin gaude. Jakin badakigu gainera datorkigun peak everything edo kolapsoak bakoitza bere lekuan jarriko duela, eta orduan erantzukizunak eskatzea baino, nahiago dugu etorkizunari ateak guk geuk zabaltzea. Bide berean goazen guztiok bultza egitea besterik ez da behar.
  Horregatik, hurrengo atalean Elgoibarren egingo genituzken gauzen azterketa bat egingo dugu.
  Bitartean, Ekoguneko bideo honetako 14.minutuan Una Pascual Ekologia-ekonomilariaren hitzaldia ikustera gonbidatu nahi zaituztegu: Ekonomia berde eraginkor bat.
Elkarrizketan, berriz, ekonomia berdea izango dugu hizpide Unai Pascual ekologia ekonomialariarekin. BC3 klima aldaketa ikertzeko euskal zentroko kidea da Pascual, eta baita Cambridgeko unibertsitateko irakaslea ere. Ez dator bat adibidez Nazio Batuen Erakundeak egiten duen ekonomia berdearen definizioarekin. Pascualen ustez iraunkortasun irizpideek izan behar dute ardatza, eta horra egokitu behar du ekonomiak, eta ez alderantziz. Rio + 20 lurraren gailurraren bezperetan jardun dugu Unai Pascualekin.”

2013-01-08

Udal honek ez ditu balio erantsia eta espekulazioa bereizten. Nahita?

Elgoibarren.netwww.elgoibarren.net/-eko gure txokoan argitaratu dugun lez:

HAPOa orain onartzea termino elektoraletan baino ez dugu ulertzen, edo kasualitatea da hauteskundeak pasa berritan onartzea? Horrek arrazoia emango liguke, beldur baitira herritarren gehiengoa (beraien botu emaileak barne) HAPO honen kontra egon daitekela momentu honetan.
  Halere, udal honen ohiko jarduera da krisira eraman gaituzteneri mesede egitea, eta horrela jarraitzen du eskuineko politikak aurrera eramanaz, etxeak kantitatean egiteko proiektuak arkitektu bulego handien eskuetan uzten, proiektu txiki eta jasangarriak egin beharrean.
  Lerun txiki bota zuten, ezer ere ez egiteko, eta bitartean etxe berriak proiektatu dituzte. Ikusi ahal izan dugu Morterika ingurua dela zemento gabe dagoen elgoibarko Deba ibaiaren zati bakarra, animalia basatientzat ura edateko leku bakarra. Poligonoa egitea 1992 urtean onartu zenez, ez dute egungo legea bete eta ingurugiro txostenik behar zementua botatzeko, horregatik ari dira orain onartzen poligono berriak, daudenak husten egon arren.
  Agian guri tokatzen zaigu espekulazioaren eta balio erantsiaren arteko ezberdintasuna azaltzea. Gu ez gara ekonomilariak, beraz, ideia esplikatzeaz gain, definizioen lotura uzten dizuegu zuek garatzeko zuen kabuz.
  Balio erantsia, zerbaiti aldaketa bat egin ondoren honen balioa hazten denean deitzen diogu, produktua hobetzea erosleak baloratzen duen terminotan. Helburua hobekuntza bat ematea da. Definizio zehatza hemen: http://eu.wikipedia.org/wiki/Balio_erantsi
  Espekulazioa aldiz, merkatuaren eskari/eskaintzak jartzen duen prezioan du zerikusia, balio arrazionaletan baino gehiago. Helburua ekonomikoa da. Hemen ere definizioa: http://eu.wikipedia.org/wiki/Espekulazio_%28ekonomia%29 eta kasu honetan espekulazioa bultzatzen ari dira Udaletik.
Ikus ditzagun adibide batzuk:
  • Elgoibarren HAPOak aurrikusten dituen 1000 etxebizitza berri egitea ESPEKULAZIO hutsaren planteamendua dela deritzogu. Iraganean krisiaren behea jotzera eraman gaituzten errezetak, ezjakinenak ere kritikatzen dituen errezetak erabiltzen jarraitzen ditu udal honek.
  • Beste kontu bat izango litzateke jada eginak dauden etxebizitzeri BALIO ERANTSIA ematea, adibidez helbarritasun bat dutenentzat edo nagusientzat egokitzea, kotxesillak eta bizikletak uzteko lekuak egokitzea portaletan, ekologikoki efizienteak egin berotzen eta hozten ahalik eta energia gutxien xahutzeko, balio erantsi honekin ongizate orokor bat lortuko litzateke, eta ez gutxi batzuren (energia ekoizle eta banatzaile handien, promotoreen, lurjabe eta bankuen) interes ekonomiko soilak asetzea.
  • Beste adibide garbi bat kiroldegia izango litzake: Mintxetara eramatea eta egun dagoen lekuan etxeak egitea ESPEKULAZIOA dela deritzogu. Aldiz, dagoen lekuan kiroldegiaren hazkundea era jasangarri batean egitea, balio erantsia litzateke: herritik kiroldegiko instalakuntzak erabiltzeko gertutasun bat legokeelako hartara, gizarte estresatu honetan ez daukagun denbora hobeto probestuko genukelako. Zer esanik ez kirola egiteko ibilgailuak ez hartzeko gonbita dela egungo kiroldegia, gertu dagoelako, eta aparkatzeko lekurik ez dagoelako oinez edo bizikletaz joatea da logikoena, herriko edozein puntutatik 5 minutu baino gutxiagoan zaude bertan. Hori da mugikortasun jasangarria bultzatzea gure ustez.
  Egungo krisia ez da soilik finantzieroa, gainera datorzkigu krisi energetikoa eta ingurugiro krisia, horiek izango dira krisi finantzierotik ateratzea luzatuko dutenak.
  Mundu finito batean hazkunde infinitoa ezin da egon. Alderdikeriak eta berekoikeriak albo batetara utzi, eta Elgoibartarron etorkizunean pentsatzeko garaia iritsi da!
 Orain lehen baino ozenago, eta jasaten ari garen krisi honen jatorriari erreparatuz, historiak ematen digun esperientziatik diogu HAPO hau ez dela herritarrontzat diseinatua, Udal buruen laguntxoentzat baizik.
Gaiari lotuta datorrela iruditu zaigunez, Midas erregearen istorioa kontatzen bukatuko dugu gaurkoa: Midas erregea, oso errege aberatsa zen, baina beti gehiago nahi, eta herritarrak zergaz itota zeuzkan. Urreak liluratzen zuen erregea zen, dena nahi zuen urrezkoa, urrearen dizdirak zeharo katiatuta zeukan. Hona hemen istoria:
Egun batean Hermes agertu zitzaion, eta berak desio zuena emango ziola esan zion.
Midas erregeak, ukitzen zuen guztia urre bihurtu nahi zuela esan zion Hermesi. Horrela bada, Hermesek, hirigintzako zinegotzi kargua eman zion lurzoruaren legearen garai ilunenean. Plano bat hartu eta bere erret atzaparra erortzen zen lekua urrezko bihurtzen zuen. Herriari itsatsitako lurrak lehenik, erreka ondoko baratzak ondoren, parke eta lorategiak, hurrunago zeuden zelai eta larreak... poliki poliki dena joan zen urre bihurtzen.
Pozez txoratzen zegoen gure erregea bere dohai berriekin. Inguruko urre merkatari handienak gerturatzen zitzaizkion mesedetxoak eskatuaz. Munduko zoriontsuena zela pentsatzen zuen. Hain zen zoriontsu, ia ia lorik ere ez zuela egiten urrezko zelaiak kontatzen.
Baina halako batean urrearen izurritea etorri zen. Urrea zen guztiari erdoila sartu zitzaion. Inork ez zuen urrerik nahi. Izurrite honi "Krisia" izena jarri zioten. Biztanle gehienak ezer gabe geratu ziren, ordura arte urrerik ez zeukana ez zelako tituludun Midasen gortean. Midas bizi zedin zergak igo eta igo, are okerrago bizi ziren ordutik. Kanpoko inork ez zuen herrialdera joan nahi krisia zela eta, eta berak kanpoan erosteko ahalmenik ez zeukan, jada ezertarako balio ez zuten lurrak zeuzkalako.
Orduan lehenago nola bizi ziren gogoratu, eta arto eta gari haziak lurrera botatzen hasi zen, baina urrearen gainean ezin zen ezer ere ernetu.
Hermesena bueltatu zen negar zotinka, eta dohaia atzera botatzeko erregutu zion, baina jada beranduegi zen, Hermes bera ere urre bihurtu zuelako. Halaxe pasa zituen Midas erregeak azken egunak, urrez inguraturik gosez hil zen arte, izan ere, laguntxook, urrea ezin da jan.