2012-12-08

AHAZTUTAKO AMETSEN HAITZULOA

PRAILEAITZ kobazuloaren aldeko aurtengo ekitaldiei amaiera ezin hobea emateko OKIL BELTZAK taldeak, ONGARRI zineklubaren laguntzarekin, Werner Herzog zuzendari germaniarraren “AHAZTUTAKO AMETSEN HAITZULOA ” filmaren emanaldia antolatu dugu
Abenduaren 13rako, gaueko 21:15ean Herriko Antzokian. Pelikula honek erakusten digun Estatu frantziarraren hegoaldean dagoen CHAUVET kobako labar-arte ikusgarriarekin aho zabalik geratuko zarete.
 
 
 

Praileaitzen etorkizuna

Pasa den asteko Praileaitz kobazuloaren gaineko ekitaldiek zapore gazi-gozoa utzi digute. Alde batetik gozoa, bailarako ondarea den Praileaitzen aurkitzen ari diren altxorrengatik, hizlarien eta jendearen parte hartzea bikaina izan delako, azaldu den jende kopuruagatik baita erakutsi duten interesa eta mailagatik ere. Izan ere, galderen txandak hitzaldiak baino luzeagoak izatera ailegatu ziren.
  Praileaitzez gain, Moruko altxorra ere atera zen galderen txandan, eta hau ezagutu eta babesteko ere zerbait pentsatu beharko dugu.
De Praileaitz
 Adibidez, sorpresa polita hartu genuen igandeko ibilaldira etorri ziren 25 lagunekin, umeak eta aiton-amonak barne, euri, lokatz, sasi eta lur karstikoaren gorabeherei giro ederrean aurre egin baitzieten.
 Horregatik, eskerrak eman nahi dizkiegu Xabier Peñalver, Sonia San Jose, Jabi Castro eta partehartzaile guztiei. Denok geneukan helburu bakarra: gure ondare kulturala ezagutu eta zaintzea.
  Espero dugu guk beste disfrutatuko zenutela aste honetan. Bejon deizuela.
  Bestetik zapore gazia geratu zaigu, arazoak hortxe segitzen duela erakusteko balio izan dutelako ekitaldiek. Praileaitzeko hainbat galeria lurrez beteta daudenez ez da ezagutzen noraino iristen diren eta babesgabe daude leherketen mendean. Kosta Legearen babesa 100 metrotik 20 metrora murrizteko asmoa betez gero, kobaren malda desagertzeko zorian izango da. Hau da, harrobiaren interes ekonomikoak kulturaren gainetik daude, politikariek galeriarentzat kontrakoa esaten duten arren.
  Xabier Peñalberren hitz hauek dira horren lekuko: “Os podéis imaginar que haya un proyecto para derribar la catedral de Burgos, y que un grupo de ecologistas haya encontrado una charca al lado con una especie de ranas protegidas, y que el perímetro de protección de estas ranas sirva para proteger la catedral de Burgos? Pues esto es lo que pasa en Praileaitz actualmente. Praileaitz es patrimonio de todos, y lo tiene que proteger el departamento de Cultura”
  Alegia, Mutriku Natur Taldeak ikusi duela itsas-marea Astigarribiaraino iristen denez, kosten legea aplikatzeak eman diola Praileaitz kobazuloari babesa, Kulturak eman beharrean. Orain mediterraneoko txiringitoen legeztatzea ekartzeko PPko gobernuak kosten legea aldatzen badu, horrekin zerikusirik ez duen Praileaitzek babesa galduko du, eta honekin guk eta ondorengoek galduko dugu betiko.
  Gainera, historiaurreko arte eramangarriagatik oso ezaguna den Ermittia I kobaren kasuan, autopistak egin zion kraterraz gain, isileko induskariak koba ustiatzen ari direla in situ ikusi genuen. Dagokionari eskatzen diogu babes dezala ondarea behar den bezala.
  Bukatzeko, Udalak ekintzak iragartzeko kartelak kendu zizkigun beste behin, gure esfortzua eta diru gastua biderkatuz. Etxeberria jauna, noiz utziko diozu adierazpen eskubidea zapaltzeari?

2012-11-12

SOS PRAILEAITZ

Barreneko gure txokoan aditzera eman dugunez, Praileaitzen aldeko ekitaldia antolatu dogu aste honetan
Hemen egitaraua eta Barren.net -en publikatutako notizia

  Sasiolatik berri on bat datorkigu, azkenean. Izan ere, Xabier Peñalver-en lan-taldearen eskutik indusketa kanpaina berri bat abian da Praileaitzeko kobazuloan.
  Behe Madelein aldiko (K.a. 15.500) mailan topatutako zintzilikario eta tresnen garrantzia ezaguna bada, oraingoan Solutre aldiko (K.a. 17.000-19.000, aurkitutako margoen garaia) eta Gravette aldiko (K.a. 25.000) mailak aztertzea izango da helburuetako bat. Ikerketa berri hauek gauzatzeko Gipuzkoako Aldundiko Kultura Sailak 30.200 euro jarri ditu. Azken hiru urte eta erditan, gure ondare kulturala babestu behar zutenen utzikeriak Paleolitoko altxor hau desagertzeko arriskuan utzi dute: babes perimetro lotsagarria ezarri zuten, Amenabar taldeko harrobian leherketak egiten jarraitzen dute eta koba kokatuta dagoen mendi magalaren zati bat ere jan egin dute Kosta Legea hautsiz. Praileaitz haitzuloaren egungo egoerari eta bertan egin diren azken aurkikuntzei berri izan dezazuen, OKIL BELTZAK taldekook ekitaldi batzuek antolatu ditugu indusketak amaitzearekin batera.
Hona hemen programa:
  • Azaroak 13, martitzena. Filma: Labar arteari buruzko dokumentala eta Praileaitz haitzuloaren egoera legalaren azalpenak, 19:00etan Kultur Etxean.
  • Azaroak 15, eguena. Hitzaldia: Xabier Peñalver eta Sonia San Jose arkeologoak. 19:00etan Kultur Etxean.
  • Azaroak 18, domeka. Txangoa: Praileaitz-Ermittia kobazuloetara, 10:00etan Maalan.

2012-10-09

Fumigaziorik ez!

 
Okil Beltzak taldeak, Gipuzkoako beste taldeekin batera, "FORAY 48B" plagizida mendi, laborantza eta manatialetara masiboki EZ fumigatzeko eskatu nahi du eta Gipuzkoako Foru Aldundia eta herritarrak fumigazioaren arriskuaz ohartarazi.

OKIL BELTZAk taldeak alarma gorria piztu du: Iraileko hirugarren astetik aurrera Diputazioak masiboki Foray 48B plagizida airetik bota nahi duelako Deba bailaran ere, tartean gaur Elgoibarren ibili da hegazkina. Gipuzkoako milaka eta milaka hektarea hartzen dituen baso intentsibo (pinadi,...) eta monokultibo honek dakartzan hainbat gaixotasunen inguruan arreta izatea nahi dugu, aurreko hamarkadetan aurrera eramandako baso-politika intentsiboak eta monokultibo komertzialek sortutako arazoak, egun etorkizunik ez duelako, eta arazo ekologiko eta gastu ekonomiko neurri gabeak besterik ez dituelako sortzen.
Esanda bezela, Pinuaren baso-politika iraganeko produktua da, mendien ikuspegi neoliberal batean errotua, eta mendietako baliabide naturalak muturreraino ustiatzea bilatu du ondorengoetan erreparatu gabe. Hala eta guztiz ere, ingurumen eta osasun publiko egokia bermatzeko, Diputazioak uztiapen intentsiboen praktika hausnartu beharko lukela deritzogu, sektore pribatuen onura interes partikularren (Jabe Forestalen Elkartearen) mesederako diru publikoz finantziatzen ari direlako (Azken fumigazio honen kostua 83.000euro).
Egin nahi dena bezelako intoxikazio masibo hauek (7.000 hektarea), basoak, belardiak, laboreak, babestutako guneak eta Natura 2000 sarea-guneak, ibai-kanalak, iturburuak, baserri eta ekosistemak erasotuko ditu, eta dena basoen kudeaketa pribatua bultzatzeko politika intentsiboak onuratzeko izan dela behin eta berriz salatu dugu, ekologista, naturzale, nekazari eta osasun inguruko elkarteok, bai Euskal Herrian eta baita mundu zabalean ere.
Era berean, ziurtagiri ekologikoko agroganadutegi haztegiak, ur kanalak eta ur iturburuak, hainbat flora eta fauna espezie basati (intsektuak eta ornogabeak, anfibioak, hegaztiak, saguzarrak, eta abar), eta interes mikologikoko beste hainbat espezie oso sensibleak dira mota honetako kontaminazio kimiko-biologiko indiskriminatuari.
Bertako erlearen egoera ere delikatua da, beharrezkoa bait da loretako polinizazioa lortzeko, eta liztor asiarraren inbasioaren ondorio larrieri milaka hektarearen fumigazio indiskriminatua gehitzen badiogu, erleari azkena emateko bultzadatxoa ematen ari gara.
Bereiziki erlezaineri, elikadura subirautzan lan egiten duten nekazarieri, Mendi elkarteeri eta fumigazioak eragingo dien 60 herrietako udal agintari eta herritarrei dei egiten diegu Diputazioaren baso-politika intentsiboaren ekintza berri honi aurre egiteko, baso politika berraztertu eta kalte ekologiko zein ekonomikoak murriztea eskatzeko
2009/128/CE direktiban, plagizida jasangarrien erabileraren inguruan 9.artikuan aireko pulberizazio orokorren debekua bermatu behar dela dio

Foray 48B Plagizida, Bacillus turigiensis bakteriaz eratua dago. Nekazaritza ekologikoan erabiltzen den bakteria izan arren, tratamendu oso lokalizatuetan eta fruta arboletan erabiltzen da. Baina fumigazio aereoa era masiboan aplikatzea da arriskutsuena. Diskriminazio gabe barneratzen bait da basabizitzaren habitatean: manantialak, errekak, flora eta fauna espezie basati ugariri eragingo dio, eta baita bertako biztanleei ere fumigatua izan den eremuan.
Kanadan (http://www.sensociety.org/?q=nospray1) ekologisten, udalerrien, erlezainen eta nekazarien kexa handien ondoren, gobernuak gelditu egin ditu airetiko Foray 48B pestizida fumigatzeak, preseski gaur egun Foru aldundiak Gipuzkoan erabili nahi dituenak.
Erresuma Batuan, airetiko fumigazioen inguruan indarrean dagoen araudian propio ageri da agintariei (osasun arlokoak barne), interes taldeeri eta pulberizaziotik 25mtarako biztanleeri fumigatu aurretik galdeketa egitea eta abisu seinaleak erabiltzea.
Beste alde batetik, Gipuzkoako ingurumen eta kontserbazionismo inguruko 16 taldek osatutako plataforma eta egungo arduradun foralen arteko zenbait bileretan aurkeztu ditugun txostenetan eskatzen dugu baso naturalak (hariztiak, artadiak, pagadiak, ...) berreskuratzeko eta behingoz baso-politika intentsiboa eta horrek dakartzan eremu naturaletako agrokimikoen erabilera masiboa alde batera uzteko. Gure ordezkariek berriki adierazi digutenez, guk eskatzen dugunarekin ados daude, baina badirudi lobby forestalen presioa interes publikoa eta bioaniztasunaren, ingurumenaren eta osasun publikoaren (intoxikazioak, gaixotasunak endokrinoak, asma, buruko minak, etab.) gainetik daudela gaurko kasuak erakutsi digunez, beraz, FUMIGAZIOAK ETEN eta baso politikan egin nahi diren aldaketak bizkortzeko eskatzen dugu.

Harrigarria da sektore pribatu eta desprestigiatu batek (jabe forestalen elkarteak) Gipuzkoako basoak hondamendira eraman dituen (basogintza intentsiboa, gure mendiak artifizialdu izana, diru-laguntza publikoen menpekotasuna handia, habitat naturalen eta espezien desagertzea, monokultibo landaketak, paisaiaren deuseztatzea, etab.) irizpideek sortutako arazo (Izurrite) bat konpontzeko errekurtso publiko ekonomiko handiak bereganatzea. Are gehiago ingurumenari kalteak eta osasun arazoak gizarteratzen dira, mozkinak esku pribatuetan geratzen diren bitartean.
Horregatik, Okil beltzak taldeak, Gipuzkoako beste taldeekin batera zera eskatzen du:
1) Bilduri, hartutako konpromezuak beteaz, baso naturalen errekuperazio masiboari ekiteko
2) Gipuzkoako Foru Aldundiari, aldatu dezala mendietako eta natura inguruneko zuzendari nagusia (Julian Unanue), interes pribatua eta politika ultraintentsiboak bultzatzen ari delako aurreko legealdietan bezela, horrek dakartzan eragin kaltegarriekin.
3) GFAko Basogintza eta Ingurumen zuzendaritzari, babestutako eremuak, habitat natural eta mehatxatutako espezieen kontserbazioan hasteko, eta iraganeko politika neoliberal eta fondo publikoen desbideraketa lobby pribatuen eskuetara joaten ez dezala utzi
4) Landa Garapenerako Departamentuari, fumigazioetara bideratutako dirua ingurumen alorreko beste gai batzuetara bideratzea, adibidez, liztor asiarraren arazoari irtenbideak bilatzeko.

2012-06-23

Elgoibaristan

Elgoibarren.net atariko gure txokoan sartutako post-a. Ze antzekotasun daukate Españistanek eta Elgoibarristanek? Udaletxeko piparpotua kontutan hartu gabe esan nahi genduan. Aleix Saló komikilari katalanak eginiko Españistan bideoa ikustera gonbidatzen zaituztegu (barka, gazteleraz bait dago hau ere): Eta, Simiokraziaren eta HAPOkraziaren artean ezberdintasunik aurkituko zenuke? Aurreko bideoaren egile beraren Simiocracia izeneko bideo honek, berriz, euskaraz dauzka azpitituluak: Zuloan sartu gaituzten errezetak, hots, bizkarroiak herritarron kontura aberastea albo batetara utzi beharko litzatekeen bitartean, Elgoibarren 2012 urtean HAPOa onartzeko zorian daudela ezin dugu sinestu. Ez da harritzekoa plana egiteko nor aukeratu duten ikusita. Florentino Perez edo Emilio Botin-en errezetak Elgoibarren: Kakahueteak eta bananak.

2012-06-17

Elikaduraren inguruan (3) Nuestro veneno cotidiano

Elgoibarren.net atariko gure txokoan sartutako post-a Aurreko argitalpenei jarraipena emanaz, gaurkoan Dosi Jasangarriaren edo Eguneroko Dosi Onargarriaren gezurra azaleratu nahi dugu. Horretarako Argia aldizkariak argitaratutako Marie-Monique Robin-en ikerketak ekarri nahi izan ditugu txoko honetara. Bizitza esperantzaren jeitsiera espero da etorkizun ez hain luzean. Beste era batera esanda, Eguneko Dosi Onargarriaren trikimailua erabili izan da produktu kimikoen erabilera baimentzeko, kontutan hartu gabe gorputzak bizitzan zehar metatu egiten dituela hainbat produktu. Gai honetan interesa duzuenok Argia aldizkariko honako testuetan zuzenean irakurtzea dela onena uste dugu: “Dena eta ezer ez da pozoia: dosiak egiten du pozoia” Marie Monique Robin: “Produktu toxikoak dosi txikian hartuta arriskutik libre geundela uste izan dugu. Nik kontrakoa frogatu dut” Ikerlari haueri esker, frantzian ezin da oraingoz transgenikorik landatu Goiko artikulo horietan aipatzen den Notre poison quotidien dokumentala momentuz erderaz besterik ez dago; frantsesez ahotsak, eta gazteleraz azpitituluak. Besterik gabe, aurrera bideoa:

2012-06-03

Elikaduraren inguruan (2) El mundo según monsanto

Elgoibarren.net atariko gure txokoan sartutako post-a

Elikadura, oinarrizko behar fisiologikoak betetzeko ekoizgarri izatetik, gobernuen laguntzaz, negozio segurua izatera pasatu da ekoizle handien eta banatzaile handien industriarentzat. Hori zuzenean elikaduraren kalitatearen kontra dixe, eta horrek gure osasunian kalteak eragin ditzak. Hurrengo bideoan, ekoizpenaren mugak non daozen ikustia nahi dogu.

Ekoizpena epe motxera optimizatzeko tekniketan, transgenikoarekin jo dogu, eta ezin bestean, Monsanto etxearekin topo egin dogu parez pare.

  Gobernuek biztanleen osasuna zaindu biharrian, epe motzerako interes ekonomikoak defendatzen ditualakuan gaude.
  Lotsagarrixa klaserik gabeko politikari hauek egiten dabena!!!
Sarreratxua eginda, gaurko gaixari helduaz, Frantzian egin zaben beste bideo honekin gatoz orainguan: "Le monde selon Monsanto"

  "Mundua Monsantoren arabera" ikusteko gaztelerazko bertsiua ere badago, eta hori ikustera gonbidatu nahi zaituztegu gaurkuan. Dana suntsitzen daban pestiziden inguruan berba egiten dau, beraiek saltzen daben hazi transgenikua izan ezik:

2012-05-03

Elikaduraren inguruan (1) Food Inc.

Elgoibarren.net atariko gure txokoan sartutako post-a

Elikaduraren inguruan berba egitia modan jartzen ari da. Barazkijale izatea zan lehenengo entzun genduana. Ondoren jangai ekologikua, makrobiotika edo paleodieta bezelako terminuak entzun ditugu.
 
Elikatzeko era berrixak gaixotasunak sendatziakin ere lotzen dira.
Gu haratago jungo gera, gure ezjakintasunetik, baina elikadurak sendatu biharrian, elikadura dala gaixotzen gaitxuna esatera ausartzen gera.
Sarian daozen dokumental eta testu batzuk zuengana hurbiltzen saiatuko gera. Testu batzuk euskaraz dagoz, baina bideuak orokorrian erderaz daude, batzuk gaztelerara itzulitxa.
Hasteko, FOOD INC. dokumentala proposatzen dizuegu. Dokumental hau 10 minututako 6 zatitan  banatua dago youtuben. Hemen lehena:

Hurrengo zatiak ikusi nahi badituzue klikatu azpian

2012-04-24

Okil Beltzak barren.net-en

Okil beltzen txoko berri baten berri eman nahi dizuegu;

Lehenagotik blog hau daukagun arren, Elgoibarrekin eta euskararekin daukagun konpromezuarekin segitxuaz, eta elgoibarrenen.net-i esker, txoko hau erabiltzen hasiko ginen joan zen Urritik.

Hemen ere publikatzen jungo gera hango berrixak, baina zuzenian hura ikusteko:

http://www.elgoibarren.net/

Ezkerrian blog ezberdinen artian Okil beltzena aukeratu, edo hemendik zuzenian ere jun leike

http://www.elgoibarren.net/content/category/2/41/11/

Klik haundi ikusteko
Txoko honen edukixan inguruan laburpen bat egitia gaitza da, izan ere, zer da ba Okil Beltzak? Ez dakigu hitzez hitz definizio zehatz bat ematen, baina gauza bat argi daukagu: gure etorkizuna ahal dan neurrian guk eraikitzeko asmua daukagu, eta konpromezu sendo hortan oinarrituriko bizimodu bat defendatzen dogu. Lanerako goguekin eta bizitza ulertzeko beste filosofia batekin alkartzen geran lagun talde bat gara. Etiketak ez jakuz gustatzen eta blog honetan erakutsi nahi dizuegun bezela, iritzi eta kontu ezberdinak amankomunian jartzen dittugun lagun talde bat gara eta bestien ikuspuntutik ikasten saiatzen gara. Finean, ez dogu inongo korronterik segitzen arrain hilek bezela.

 Beste ikuspuntu batzuk ezagutu nahixan mundura begira jardun behar dugula (zeharka bada ere) uste dogu. Atzerriko gizarteei begirada bat botatzeak gure arazoei aplikatzeko moduko irtenbide alternatibo ugari ikusteko aukera ematen digu, bere alde on eta txarrekin, baina 3. pertsonan ikusi ahal izateko aukerarekin, busti gabe alegia. Elementu edo gertaera komun batekiko ikuspuntu desberdin asko jasotzeko aukera ere eskaintzen digu. Gure bizimodua dela eta, baloratzen ez dugun inguruko aberastasunaz jabetzeko balio dezake. Hau dela eta, guk sortutako notizia edo textuak euskaraz aurkituko dituzu baina testu hauetaz gain, loturak, bideo eta abarrak estekatu edo kopixatuko ditugu blogean, eta hauek euskaraz nahiz jatorriko hizkuntzan aurkituko dituzue.

 Beraz, nahi duzuenori gonbita pasatzea besterik ez jaku falta, zuen iritzixak beti ongietorrixak izango dira eta, zer esanik ez, zuen ideia edo ekarpenak.

Besterik gabe, Show must go on!
 

2012-04-07

Etorkizuneko etxaldea

     "A farm for the future" izenburua duen dokumental hau 2009ko otsailean igorri zen lehen aldiz BBC-ren Natural World seriearen baitan. Rebecca Hosking da egilea eta dokumental honen protagonista. Basa-bizitza ardatz duten dokumentalak ekoizten jardun eta gero bere sorterrira, Devon-era itzultzen da gurasoen etxalde zaharraren kargu egiteko. Baina Ingalaterrako hegoaldean kokatutako etxalde honetan Rebeccak badu kezkatzeko arrazoirik.

Rebecca eta bere aita Devon-eko etxaldean arkumea eta txakurrarekin

     Azken hamarkadetan, elikagaiak ekoizteko iraunkorrak ez diren erregai fosil "merke" eta anitzen menpe bizi gara. Hauen erreserben gainprodukzioak eragindako prezio igoerek, energetikoki guztiz menpeko bihurtu dugun elikagaien produkzioa aurrekaririk gabeko bidegurutze batean aurkitzen da.

      Elikagai produkzio modu desberdin eta iraunkorrak bilatzeko asmoz, aditu eta aritu ezberdinekin elkarrizketatzen da, besteak beste, "pico del petroleo" delako arazoaren gaineko ikastaro didaktiko eta azkarra emango dioten Colin Campbell eta Richard Heinberg espezilistekin, eta permakultore, ekintzaile eta ikerlari ezberdinekin. Hauek denak, etorkizuneko nekazaritzaren gakoak naturak berak ematen dituenaren ideiarekin bat eginez. 48 minutu hauetan, Rebeccak nekazaritza iraunkor bat lortzeko alternatiba ezberdinak esploratuko ditu bere etxaldearen birmoldaketa ebaluatzeko, helburua erregai fosilen dependentziarik gabeko produkzioa izanik.



You tuben haundian ikusteko klikatu hemen
Vimeon ere aurki dezakezue, hemen klikatuz

2012-01-18

Karakate-Irukurutzetako sarraskia

Urte berri, eraso berri inguruneari. Oraingoan elgoibartarrok maite dugun eta arnasa hartzera eta paisaia mirestera sarri joaten garan inguruaren aurka: Karakate-Irukurutzeta mendikatea. Orain igotzen denak tristura eta haserrea sentituko ditu. Joxe Miel Barandiaranek burua altzatu eta ikusiko balu zer triskantza egin duten bere “trikuharrien bidea”-n, parajea zaintzeko kobratzen dutenen axolagabekeriagatik, hankaz gora jausiko zen. Egurretan dabilen tonelaia handiko kamioiak ehunka metroko orbain sakonak egin ditu Muskurutxuko azal hauskorrean.

Basozaintzaren arabera, egurgileak bete egin ditu ezarritako baldintzak eta udarako sarraskia egin baino lehenagoko itxura bera izango du. Kutsatzaile edo erasotzaileek alegatu dezakeen aitzakia: “lasai, denboralditxo baten barru ez duzu ubeldurarik izango eta”.

Nola baimendu daiteke makinaria astuna erabiltzen duen basogintza flora, fauna eta kultur agerpenengatik oso hauskorra den eta babes bereziko erregimen juridiko duen natur intereseko eremua baten? Gainera, pinadi berriak landatzen ari dira.

Argi dago basogintza mota hau eta zonaldearen “babes berezia” ezin direla bat etorri. Eta, dirudienez, egun interes ekonomikoa ingurunearen gainetik dago eta honen zaintza paper bustia besterik ez da.
Hirigintza Antolatzeko Plan Orokorrari egin genion alegazioetan genion bezala, berrriz diogu: inguru honetan dauden koniferen landaketak kendu, pagadiei lehentasunezko babesa eman eta bertako zuhaitzak birlandatu lehenbailehen. Berandu egiten ari da.
Soraluzeko udala egiten ari den bezela, Elgoibarkoa ere pagoa landatzera ea noiz animatuko den, edo “Elgoibar berdea” rotondetara mugatuko da?




Año nuevo, agresion nueva al medio ambiente. Esta vez contra un lugar amado y frecuentado por lxs elgoibarresxs, Karakate-Irukurutzeta, donde subimos a respirar y admirar el paisaje. Quién suba ahora sentirá tristeza y rabia. Si Joxe Miel Barandiaran levantara la cabeza y viera qué destrozo ha sufrido su “ruta de los dólmenes”, por negligencia de quién cobra por proteger el paraje, se caería de culo. Un camión de gran tonelaje utilizado para sacar madera ha dejado profundas cicatrices de cientos de metros en la frágil piel de Muskurutxu.

La guardería forestal dice que el maderero ha cumplido las condiciones puestas y que para verano todo estará con el aspecto anterior al destrozo. Cualquier agresor o contaminador podría alegar lo mismo: “tranquilo, dentro de un tiempo ya no tendrás moratones”.

¿Cómo se pueden permitir ese tipo de trabajo forestal con maquinaria pesada en “un área de interés naturalístico con un régimen jurídico de especial protección debido a su muy elevada fragilidad por la presencia de manifestaciones florísticas, faunísticas y culturales”? Encima, se están haciendo nuevas plantaciones de pinos.

Está claro es que este tipo de uso forestal y la protección especial de la zona son incompatibles. Y, por lo que parece, actualmente el interés económico está por encima del medio ambiente y su “protección” es papel mojado.
Ya lo dijimos en nuestras alegaciones al PGOU: hay que sacar las plantaciones de coníferas, proteger con la máxima prioridad los hayedos y repoblar la zona con árboles autóctonos cuanto antes. Y ya se está haciendo tarde.
Cuándo se animará el Ayto. de Elgoibar a plantar hayas como está haciendo el de Soraluze, o su “Elgoibar berdea” se limita a las rotondas?



Argazkiak Morkaiko ME

Euskal Herriko I. Auzolan topaketa

Badia bi aste inguru Usurbilen antolautako Euskal Herriko I. Auzolan topaketan parte hartu gendula.

Ekimen honek Euskal Herriko udalerrixetan Auzolan taldiak eta proiektuak abian jartzia dinamizatzen daban Koordinazio eta Lankidetza Foro bat sortzia nahi du, herri garapenaren bidez pertsonen oinarrizko bIharrak asetzeko helburuakin. Proiektu horren justifikaziua egungo krisi globala da, eta batzuek esaten deben bezela, “Kapitalismo Globalaren Porrota”. Krisi horretan, Petrolioaren Gailur-jotzia oso gertu daukagun mehatxu bat da adibidez, gizateria osuantzat oro har, eta Euskal Herrixan bizi geran pertsonentzat bereziki.
Hori dala ta, zenbait proiektu sustatu dira ekimenetik, bestiak beste: ekoizpen eta kontsumo ekologikoko kooperatibak, trukea, tokiko txanponak, buruaskitasun energetikoa lortu nahi duten energia-kooperatibak, etxebizitza, hondakinak, hezkuntza, osasuna eta kultura-proiektuak. Lehen eguna izanda ezinezkua izan da proiekturik abian jartzia baina elkargune oso aberats bat sortu da. Herri desberdinetatik juandako lagunak elkartu garanez oso errealidade desberdinak topau ditxugu. Badia proiektu asko heuren herrixetan martxan dituztenak, baitxa momentuz martxan jarri ez arren gai hauen inguruko jakintza haundia dutenak, diagnostiko argiago bat egin dezaketenak... eta beste asko gu bezala, idea, esperientzia eta bide lagunak ezagutzera gerturatu garanak.

Sustatzea nahi izan diren gaixak oso interesgarrixak diala uste dogu eta gaurko idatzi hau kasu, hoietaz jardungo dogu lantzian behin.

Holako ekimenetan gertatu ehi dan bezela ez dau danon goguan inpresio bera laga. Baina espero dogu martxan jarri berri dian talde hauek herrixetako arazuei irtenbidia emateko alternatiba sendo bilakatzia. Ez da kasualitatia izan partehartzailien artian alkate eta zinegotzixak aurkitu izana. Gero eta argixao dago auzolanian eta elkarlanian oinarritutako gizarte bat biharko dogula gure etorkizuneko oztopuak gainditzeko, hau da, elkarbizitza soziala eta ingurune naturala errespetauko daban gizarte bat berreskuratzeko.
Honen arira gure blog-ian argitaratu genduan idatzi bat berreskuratu dogu gaur. Usurbilgo auzolan topaketan puntuetariko bat izan dana: Kataluinian azken urtietan ematen ari da mugimendu zabalaren azaleratzia. On ein deizuela!

•Homenaje a Catalunya II
Seguruenik zuetarikoren bati ezaguna egingo jakonburu hau, George Owell-ek gerra zibilian izan zaban esperientzia pertsonalaren inguruan idatziriko liburu famatu baten izenburua da eta. Baina gaurko hau, ez da gerra zibilaren inguruko gogoeta bat, nahiz izen bera duen, beraz, zer da hau? Hitz gutxitan esanda: dokumental bat, ikerketa bat, ekonomia iraunkor, deszentralizatu eta solidariuan eraikitzia azaltzen dabana. Lan banaketa hierarkiko eta indibidualistak gainditzen ditxuan sariak sortuz.

“Homenaje a Catalunya II” dokumentala ikerketa akademiko baten parte da. Kultura ekonomiko berrixak aztertzen ari da Kataluiniako unibertsitate irekiko ikerketa institutua (IN3), ekonomia ulertzeko eta bizitzeko modu berrixak ikertuz.

Dokumental hau lan talde profesional batek sortu du, 2010eko urtarrila eta uztailaren artian. Kataluniako hamalau toki desberdinetan grabatutako hirurogei elkarrizketek osatzen debe, berrogei ordutik gorako grabaketak jaso ondoren.

Proiektu hau, eztabaidak sortzeko eta gure etxian eta mundu osuan ikustezina dan fenomeno bat ikustarazteko sortua izan da. Ikuspuntu honetatik sortutako erreakziuek, erantzunek eta eztabaidek ikertzen jarraitzera bultzatzen gaitxuzte.

Beraz, “Homenaje a Catalunya II " EZ DA BUKATUTAKO LAN ITXI BAT, ikertzeko herramintxa bat da, jarraikortasuna izateko sortua dana.